ابوذیّات جروح السائلات
یولفی اصعب علیک اتّصل ورّد
او غرست ابحبّک المشتول ورّد
گعدت انشد علیک الراح ورّد
أخم یا بلد و انشد یا نویّه
...
حضّی اویاک ناگص بخت ویرد
او جفل گلبی بعد ما یطخ ویرد
صدگ ما عندک انت وفه ویرد
اختبرتک مجفی تمکر بالخفیّه
...
العذاب اشتد علی روحی سطلها
هضمهه او زوّد اجروحی سطلها
الالم و السهر جر نوحی سطلها
علی صعبت یربّی افرجهه الیّه
...
من الخانونی اجر حسره بهاون
ابلطافه او دگّوا اعضامی بهاون
یهل شایل جسم روحی بهاون
تحرگه لو تدفنه ابلا حمیّه
...
خطفنی التایه اعذاره و سرنی
هضمنی او ما ستر سرّی وسرنی
علی نار او جمر جرنی وسرنی
تبعته او گام یلعب طوبه بیّه
...
الرمانی ابرمحه طگ و اندحر مارد
کرمته او عزّبیته ابسفر مارد
علی البد ذات اذیع ابخبر مارد
انتهیت اویاه ابو اطباع الردیّه
...
گلبی اعلی الهضمنی او جفه ما طاب
جرحنی و الجرح شب نار ما طاب
اقسمت و البیته ابد للموت ما طاب
اعلی گبری او ما اریده ایمر علیّه
...
لبست اهمومی و احزانی والالام
و اعرفه الدمّر احلامی والالام
غریب او لا الی والی ولالام
ابن ابوی او ما اعدّی العیله بیّه
...
احترمت الحاقد ابشوگی من ادای
انحگرت ابأجود اخلاقی من ادای
لفتنی اعدای حسّادی من ادای
بعت سرّی علی الما بیه حمیّه
...
الشهم خل یطلب اشما طلب ویهین
عذابی امن الکرمته او گلب ویهین
حسافه البعض بین النّاس ویهین
یبث قول او فعل ماهن سویّه
...
یدنیه ما شبعتی شحن لا باس
اهموم اشکال ابدّل و ارد لاباس
حجر سجّیل امطری علی لاباس
المبلل ما یهاب المطر فیّه
...
خضّر ورد صبری من جفونی
او نزل نهران دمعی من جفونی
عساهم لا لگونی من جفونی
ابوکت الضیج چا حنّوا علیّه
...
یجر ونّه اعلی ونّه من اکحله
او یگر مثل الحمامه من اکحله
الیشوفه ایخر سجد له من اکحله
إنس ما ضن ملک نازل علیّه
...
الضلال ابللیل ما ینوجد ویخف
العلیه اهموم یلهم صبر ویخف
التگرصه الحیّه من الحبل ویخف
الیضر باحبابه سم ابّطن حیّه
...
الروح امعذّبه او بالفرح تنشاف
غریجه او من نزیف المطر تنشاف
الوطن مثل المرایه او بیه تنشاف
الفاگد وطن ما عنده هویّه
...
لصوص البین املنه یرهمنّه
او تفّرقنه ابنزلنه یرهمنّه
الأسف و النوح مسنه یرهمنّه
نعیش ابطال لو نرکع سویّه
...
ربیع او چنت ساحرنی و حل بیک
امشبّگ غارگ او غاطس وحل بیک
انکرتنی او مشتوی ابنارک و حل بیک
جزع نخله اصبحت برض الخلیّه
...
بیرک نشف لم بیدک دواله
او طغیت او تحرگ ابطیبک دواله
عساک ابمرض ما یاجد دواله
او تضل تزحف لما تلفی المنیّه
...
استحی چنت ادعی بی مرضک ولابیک
ولا امّک تحن مثلی ولابیک
کرهتک بعد ماشوفک ولابیک
لأن طبعک غبی او ذاتک ردیّه
...
امسودن تیّهت دربک و جنباک
حمایه انا الچنت یمّک و جنباک
عمت عینک علی تکذب وجنباک
امفتّش باللبن ما تدری بیّه؟
...
جزاک ابنار احرگنّک و اجربیک
اشکثر حامل حسد گلبک و جربیک
عساک اعمه او خرس واطرش وجربیک
او تضوگ الویل من تجبل علیّه
...
جاسم ثعلبی (الحسّانی) 22/03/1400
.jpeg)
.jpeg)
:: برچسب‌ها:
ابوذیّات جروح السائلات ,
:: بازدید از این مطلب : 1831
|
امتیاز مطلب : 4
|
تعداد امتیازدهندگان : 1
|
مجموع امتیاز : 1
عضو شوید
عضویت سریع
آمار مطالب
آمار بازدید
